മലയാളത്തിന്റെ വിശ്രുത കഥാകാരി ലളിതാംബിക അന്തര്‍ജ്ജനത്തിന്റെ ജന്മശതാബ്ദി വര്‍ഷമാണിത്.1909മാര്‍ച്30ന് ജനിച്ച് 1987 ഫെബ്രുവരി 6ന് അന്തരിച്ച അന്തര്‍ജ്ജനം മലയാളത്തിലെ സ്ത്രീയെഴുത്തിന്റെ ആദ്യകാല പഥികരിലൊരാളാണ്.’അഗ്നിസാക്ഷി’ എന്ന ഏക നോവലിന് വയലാര്‍ അവാര്‍ഡടക്കം നിരവധി പുരസ്ക്കാരങ്ങള്‍ ലഭിക്കുകയുണ്ടായി.
ശ്യാമപ്രസാദ് സംവിധാനം ചെയ്ത ‘അഗ്നിസാക്ഷി’യാണ് ഈ മാസത്തില്‍ ‘കാണി’ പ്രദര്‍ശിപ്പിക്കുന്നചിത്രം.ഈ ചിത്ര ത്തിന് 8സംസ്ഥാന അവാര്‍ഡുകള്‍ ലഭിക്കുകയുണ്ടായി.മൂക്കുതലയില്‍ ആധുനിക വിദ്യാഭ്യാസത്തിന് നേതൃത്വം കൊടുത്തു കൊണ്ട് ഹൈസ്കൂള്‍ സ്ഥാപിക്കുകയും സമുദായ ത്തിലെ നവോത്ഥാന മുന്നേറ്റങ്ങള്‍ക്കൊപ്പം നില്‍ക്കുകയും ചെയ്ത ശ്രീ.പി.ചിത്രന്‍ നമ്പൂതരിപ്പാ‍ടിന്റെ നവതി ആഘോഷങ്ങളോടനുബന്ധിച്ച് ഡിസംബര്‍ 27ന് വൈകുന്നേരം 6.00 മണിക്ക് മൂക്കുതല ഗവ: ഹയര്‍ സെക്കന്ററി സ്കൂളിലാണ് പ്രദര്‍ശനം.
പരിപാടികളിലേക്ക് ഏവര്‍ക്കും സ്വാഗതം.
